Һава торышы
Татарстанда 21 градуска кадәр салкын көтелә
Иртәгә, 29 ноябрьдә, Татарстан территориясендә һава торышын элеккечә антициклон билгеләячәк. ТР Гидрометеорология үзәге хәбәр итүенчә, температура фоны тагын бераз түбәнәячәк.
Республикада аязучан болытлы һава торышы сакланачак. Көчле явым-төшем күзәтелми. Төньяк-көнчыгыштан талгын җил исәчәк.
Төнге һәм иртәнге сәгатьләрдә урыны белән томан төшәчәк. Синоптиклар юлларда бозлавык сакланачагын искәртә.
Төнлә Татарстанда һава температурасы 11-16 градус салкын булачак, аязганда -21 градуска кадәр (Казанда -13-15, аязган вакытта -17). Көндез 8-13 градус тирәсе салкын (республика башкаласында -8, -10) булуы көтелә.
Следите за самым важным и интересным в Telegram-каналеТатмедиа
Нет комментариев