Һава торышы
Бүген Татарстанда яшен, көчле җил һәм +33 градус эсселек көтелә
26 майда Татарстан территориясендә кайбер урыннарда яшен булу фаразлана. Ул төнге һәм көндезге сәгатьләрдә була һәм яшен яшьнәгән вакытта җил көчәячәк. Бу хакта Татарстанның Гидрометеорология үзәге хәбәр итә.
Җил көчәйгән вакытта аның тизлеге секундына 15-20 метрга кадәр җитә ала, дип төгәлләштерә синоптиклар.
Төнлә һава температурасы көнчыгыш районнарда +11..+16 градус тәшкил итә, көнбатышта +15..+20 градус була. Көндез термометр баганалары +28..+33 градуска кадәр күтәрелә, диелә хәбәрдә.
Следите за самым важным и интересным в Telegram-каналеТатмедиа
Нет комментариев