28 сентябрьгә һава торышы һәм ай календаре
Иртәгә болытлы, төнлә аязучан болытлы һава торышы көтелә. Төнлә урыны белән бераз яңгыр яварга мөмкин. Төнлә һәм иртән томан фаразлана. Көнчыгыштан, көньяк-көнчыгыштан уртача тизлектә җил. Җилнең тизлеге төнлә урыны белән секундына 15-20 метрга җитәргә мөмкин.
Төнлә һава температурасы +2..+8 градус, аязганда -2 градус фаразлана. Көндез һава температурасы +5..+9 градус көтелә.
Үсүче ай, Сукояр йолдызлыгында.
Бу көннәрдә туфракны казырга, түтәл ясарга, агачлар, куаклар төбенә һәм түтәлләргә черемә кертергә була. Теплица һәм парниктан туфракны өлешчә алырга, черемә салырга. Кышка сарымсак, суган утыртып калдырырга була. Башка үсемлекләрне дә утыртырга һәм күчереп утыртырга мөмкин. Шулай ук лалә суганчаларын утыртырга вакыт инде. Яшелчәләрне тозлау өчен уңай вакыт.
Следите за самым важным и интересным в Telegram-каналеТатмедиа
Нет комментариев