Квартплата артса, кая барып зарланырга?

Дәүләт комитеты рәисенең беренче урынбасары Лариса Хәбибуллина “Челнинские известия” хәбәрчесенә аңлатып үткәнчә, электр энергиясе һәм газ буенча – Сәнәгать һәм сәүдә министрлыгына, коммуналь өлкә: җылылык, су, канализация буенча – Төзелеш, архитектура һәм торак-коммуналь хуҗалык министрлыгына, торак-коммуналь хезмәтләргә түләү бәясен исәпләү буенча – Дәүләт торак инспекциясенә мөрәҗәгать итәргә кирәк. ТКХ бәясен исәпләү буенча Тарифлар буенча дәүләт комитетының “кайнар телефоны”на (236-36-36) да шалтыратырга мөмкин.

Лариса Хәбибуллина искәртеп үткәнчә, барлык торак-коммуналь хезмәтләр сыйфатлы булырга, үз вакытында күрсәтелергә тиеш. Аларның бәясе 9%тан күбрәккә арткан очракта, Дәүләт торак инспекциясенә мөрәҗәгать итәргә кирәк.