Реконструкция бер айдан тәмамлана

- Подрядчы алмашыну сәбәпле, объектта эшләр озакка сузылды, - диде «Вираж Плюс» ҖЧҖ мастеры Марсель Мөбәриев. -Төзелеш-монтаж эшләренең бер өлешен кышкы чорда башкарырга туры килде. Хәзер офис корпусы тулысынча монтажланган, бинаның эчке ягында эшләр тәмамланды. Ягулык өчен яңа савытлар урнаштырылды, аларның күләме 150 куб метр тәшкил итә. Хәзерге вакытта территорияне төзекләндерү эшләре тәмамланып килә. График буенча, эшләр июнь ахырында тәмамлана һәм автоягулык станциясе клиентларга хезмәт күрсәтә башлаячак.