Җәяүлеләр өчен

Поселок эчендәге юллар һәм тротуарларны төзекләндерү мәсьәләсе район үзәгендәге гражданнар җыеннарында берничә тапкыр күтәрелде.
Җәяүлеләр юлы төзелеше, ә кайбер урыннарда ремонтлау даими тормышка ашырыла. Узган ел К.Маркс урамында тротуар төзелеше төгәлләнде. Хәзер җәяүлеләр төзекләндерелгән юлдан эшкә бара, нәниләрне бакчага китерәләр.
-Кама Тамагы штпда яшәүчеләр Гагарин урамындагы тротуар реконструкцияләнүен күргәндер. Биредә "Вираж" төзелеш- монтаж фирмасы эшчеләр бригадасы юлны тигезләп, вак таш җәя, ә аннан соң брусчатка түшәячәк. Үзәк дәваханә ягына километрга якын озынлыктагы тротуар җәяүлеләр өчен бик уңай булачак. Аннан соң җәяүлеләр юлы Ленин урамына салыначак. Өйләренә су үткәрергә планлаштыручыларга ашыгырга кирәк,- ди Кама Тамагы штп башлыгы урынбасары Нияз Камалиев.