Чисталык аңа бәйле

Район үзәгендә һәм кайбер торак пунктларда яшәүчеләр контейнер мәйданчыкларына хезмәт күрсәтүче "Благоустройство" ООО бригадасы эшен күзәткәне бардыр.

Күзгә Хәмидә Гыймадиеваның сыйфатлы эше ташлана. Махсуслаштырылган машинага контейнерлар бушатылгач, тирә-якта чисталык тәэмин ителә. Хәмидә ханым хәтта җирдәге чүп-чарны да калдырмый. Әлеге бригада өч поселокка, "Волга" савыктыру лагерына, Сөйки кичүендәге мемориал комплексына хезмәт күрсәтә. Куйбышев Затонда яшәүче Алсу ханым Хәмидә эше турында үз фикерен җиткерде: "Бик пөхтә ханым, тирә-як территориядә идеал чисталык булдыра, андыйны без әле күргән юк иде".