Массакүләм диспансерлаштыру

Ел башыннан Россиядә мәҗбүри диспансерлаштыру кертелә.

Районыбызда ул яңа ел бәйрәмнәреннән соң ук башланды инде. 21 яше тулганнар табибларга өч елга бер тапкыр күренергә тиеш. Гражданнарның калган категориясе - балалар, студентлар һәм пенсионерлар ел саен тикшереләчәк.

ЦРБ баш табибы урынбасары Павел Фирсов әйтүенчә, массакүләм диспансерлаштыруның төп максаты - кагыйдә буларак, инвалидлык һәм вакытыннан элек вафат булуның төп сәбәбе булган йогышлы булмаган хроник авыруларны вакытында ачыклау.