Гыйнварда грипп эпидемиясе көтелә

Грипп һәм ОРВИ белән зарарлану куркынычы янауга бәйле рәвештә табиблар район халкына тиешле прививка ясатырга тәкъдим итә.

Үзәк район дәваханәсеннән алынган мәгълүматларга караганда, районда бүгенге көнгә 4100 кешегә гриппка каршы «Гриппол» һәм «Гриппол плюс» вакцинасы ясалган. Шул исәптән, 1600 балага һәм 2500 өлкән яшьтәгеләргә. Милли календарь кысаларында мәктәпкәчә яшьтәге учреждениегә йөрүчеләр балалар, укучылар, медицина хезмәткәрләре, 60 яшьтән өлкәннәр, мәгариф хезмәткәрләре, студентлар, хезмәт күрсәтү тармагы, транспорт, призывниклар һәм башкалар өчен иммунлаштыру максатында гриппка каршы вакцина тулы күләмдә кайтартылган.