Сәламәт булыйм дисәң

Кама Тамагы урта мәктәбендә район социаль яклау идарәсе социаль педагогы Гөлназ Хөснетдинова «наркотикларсыз тормыш» акциясе кысаларында 5 сыйныф укучылары белән «Барысы да сиңа кагыла» дип исемләнгән дәрес үткәрде.

Аның максаты - сәламәт яшәү рәвеше пропагандалау, төрле авырулар китереп чыгаручы зарарлы гадәтләрдән аңлы рәвештә баш тартуны формалаштыру, укучыларның сәламәт яшәү рәвеше турындагы белемнәрен гомумиләштерү, актив тормыш позициясе тәрбияләү. Дәрес әңгәмә алымнары белән интеллектуаль уен формасында алып барылды. Балалар бик теләп сорауларга җавап бирде, тәмәке, спиртлы эчемлекләр һәм наркотикларның зыяны турындагы әңгәмәдә катнашты. Ахырдан йомгак ясалды һәм «Шалкан» әкияте укыдылар.