Креатив һәм хезмәттәшлек

Агымдагы елның июлендә ИМЦМУ методистлары «Белем сыйфатын камилләштерү» Сингапур проектын кертү курсларында өйрәнүләр үтте.
- Октябрьдә без районның кайбер мәктәп укытучыларын өйрәтә башлыйбыз,- ди ИМЦМУ директоры Нурзия Җиһаншина. - 4-5 октябрьдә Кама Тамагы урта мәктәбе укытучылары өчен өйрәнүләр башлана. Октябрь уртасына кадәр ул Тәмте, Олы Кариле һәм Затон мәктәпләре укытучылары өчен оештырылачак. Проектның төп темасы- үзара- парлап, төркемләп, командада эшләү. Укытучылар бурычы - балаларны үзләрен күрсәтергә өйрәтү, үзгәрешләрне төгәл сиземләү, теләсә нинди шартларга җайлашу. Ахыргы нәтиҗәдә без укучыларны хезмәттәшлек итәргә, креатив тәнкыйтьчел фикерләргә, коммуникабельле булырга, үзара эшләүгә әзер булырга өйрәтергә тиеш, - ди Нурзия Сәлихҗан кызы.