Хокук тәртибен саклаучы

Сорау алучы хезмәте үзенчәлекле дә, җаваплы да. Тупланган материалларга нигезләнеп кеше язмышы хәл ителә. Тикшерү вакытында хаталарга юл куелган яки милек дәлилләре законны бозып алынган булса, җинаять кылучының гаебен судта исбатлау авыр.

Полициянең өлкән сорау алучысы Дмитрий Зиновьев үз эшенә җитди карый. Ул бу вазыйфаны 2010 елдан башкара. Россия ЭЭМ Казан юридик институтын тәмамлаган. Сорау алучы психолог сыйфатларына да ия булырга тиеш. Аңа хокук бозучыларның төрлесе белән эш итәргә туры килә. Билгеле булганча, шик астына алынучы күрсәтмә бирүдән баш та тарта ала. бары тик итагатьле сораштыру гына уртак тел табарга ярдәм итә. Дмитрий һәркемнең күңеленә ачкыч таба белә. Агымдагы елның 9 аенда 19 материал суд тикшерүенә җибәрелгән. Аның эш көне чикләнмәгән. Әмма яраткан хезмәте ялыктырмый, ул чын күңелен биреп эшли.