«Булгария» кайтавазы

25 февральдә Кама Тамагы район судында фаҗигагә тарылган «Булгария» теплоходы буенча җинаять эше тикшерелде.
Суд каршына «АгроРечТур» ООО директоры С.Н. Инякина, елга регистры өлкән эксперты Я.Т. Ивашов, «булгария» теплоходы капитаны ярдәмчесе Р.Р. Хәмитов, елга һәм диңгез күзәтчелегенең Идел идарәсе бүлеге җитәкчесе һәм баш инспекторы И.Г. Тимергазиев һәм В.Н. Семенов басты. Утырыш нәтиҗәсе буенча гаепләнүчеләр, аларны яклаучылар һәм зыян күрүчеләр үтенече белән Кама Тамагы суды зыян күрүчеләр һәм шаһитләрнең Казанда яшәвенә бәйле рәвештә, әлеге җинаять эшен башка территориядә тикшерү үтенече белән ТР Югары судына мөрәҗәгать итте. Шулай ук якынча тыңлауларда гаепләнүче дүрт кешене сак астында калдыру мәсьәләсе хәл ителде. Суд сак астында тоту вакытын 2013 елның 10 июненә кадәр озайтты.