Укучылар район судына сәяхәт кылды

Чара балигъ булмаганнарны хокукый тәрбияләү, хокук тәртибен профилактикалау, балигъ булмаганнар тарафыннан җинаять кылуларны кисәтү һәм булдырмау, канун рәвеше белән яшәүне пропагандалау максатында үткәрелде.

25 февральдә Кама Тамагы татар мәктәбенең 9 сыйныф укучылары белән очрашуны суд рәисе Эдуард Бариев һәм судья ярдәмчесе Ольга Голованова алып барды. Укучылар судның кабул итү бүлмәсендә, суд утырышлары залында, канцеляриядә, конвой бүлмәсендә булды, иң кыюлары исә бронежилет киеп, кулларына суд эшчәнлегендә билгеләнгән тәртипне тәэмин итү буенча хезмәткәрләр куллана торган махсус чараларны да тотып карады.