Мәктәпкә җыенырга ярдәм ит!

Июльдә Зәй шәһәрендә Татарстан Республикасында җиденче тапкыр үткәрелүче «Мәктәпкә җыенырга ярдәм ит» республика акциясе старт алды.

Акция балалары беренче сыйныфка баручы мохтаҗ гаиләләргә ярдәм итү максатында хәйриячеләр игътибарын җәлеп итүгә юнәлдерелгән. Аны хәйрия эшчәнлеге мәсьәләләре буенча республика советы, Татарстан Республикасы Мәгариф һәм фән министрлыгы, «бердәм Россия» Бөтенроссия сәяси партиясенең Татарстан төбәк бүлекчәсе оештыра. Акция кысаларында үткәрелүче чараларда районның барлык предприятие һәм оешмалары, шулай ук шәхси эшмәкәрләр актив катнаша. Кайбер предприятиеләр балалары 1 сыйныфка баручы хезмәткәрләре гаиләләренә өстәмә финанс ярдәме күрсәтә. Быел районда 1 сыйныфка 142 бала бара. Шулардан аз тәэмин ителгән, күп балалы гаиләләрдәге 34 бала ярдәмгә мохтаҗ. Әлеге акция кысаларында моның белән бергә 2-11 сыйныф укучыларына да хәйрия ярдәме күрсәтү күздә тотыла, якынча исәпләүләр буенча аз тәэмин ителгән гаиләләрдә тәрбияләнүче, инвалид ата-аналары белән яшәүче, инвалид балалардан андыйлар 52 укучы исәпләнә. Мәктәп букчасы комплекты алдагыча ук кала: канцтоварлар, дәфтәр, хезмәт һәм сынлы сәнгать дәресләре җыелмасы, спорт формасы комплекты. акча җыю технологиясе дә гадәттәгечә кала: хезмәт хакыннан күчерелә, игелекле эшләр марафоны, мәктәп ярминкәләре үткәрү урынында укучылар өчен әсбаплар җыйгыч куела, җәмәгать урыннарында җыйгыч-кублар куела, спорт комплексларына, музейларга йөрү өчен гаиләләргә ташламалы шартлар каралган. «Мәктәпкә җыенырга ярдәм ит!» хәйрия акциясе масштаблы булырга һәм яшь гражданнарга игелек һәм гаделлек барлыкны тоярга ярдәм итәргә тиеш.