Куркыныч боз

Декабрьдәге салкын көннәр һәвәскәр балыкчыларга ярдәм кулы сузган кебек иде.

Әмма суны җибәргәч, боз астында бушлыклар пәйда булган. Боз ватыла башлый, урыны белән бер метр киңлектә ярыклар барлыкка килә. Җиңелчә салкын суны катыра, аның өстенә кар ява. Бу хәлне белмәгән балыкчыларга куркыныч яный. ГИМС боз өстенә кергәндә белгән сукмаклардан гына йөрергә тәкъдим итә. Берүзең генә бозга кермәскә кирәк.

Көчле буран башланыр алдыннан һәм көчле томан булганда да балык тотарга барырга ярамый.