Җиңүчебез

Югары ослан районының Татар Борнашы урта мәктәбе базасында Экологик культура һәм тирә якны саклау елы кысаларында укучыларның «Җир хартиясе-2013» көненә багышланган «Җир - уртак йортыбыз» дип исемләнгән республика фәнни-практик конференциясе булды.

Конференция кысасында 8 секция: экология, сәнәгать һәм химик экология, кеше экологиясе һ.б. эшләде. Рудник урта мәктәбенең 11 сыйныф укучысы Ландыш Ганьятуллина «Практик табигатьне саклау эшчәнлеге» (җитәкчесе А. Миңнегалиева) секциясендә җиңде. Ландыш җиңүче дипломы һәм кыйммәтле приз белән бүләкләнде.