Сөт чишмәләре саекмасын

Район авыл хуҗалыгы берләшмәләре терлекчеләре малларны абзарларда асрау вакытында сыерларның продуктлыгын арттыруны дәвам итә.

Район авыл хуҗалыгы һәм азык-төлек идарәсеннән алынган мәгълүматларга караганда, Ленин исемендәге хуҗалыкта бер сыердан көненә уртача 14,4 килограмм сөт савалар, бу узган елның шул чоры белән чагыштырганда 5 килограммга артык, «Кама Тамагы» АХПда 12,8 (+0,8 килограмм), «Олы Кариле» ААҖ - 8,2 килограмм. Соңгы көндә сыер савучылар тулаем савымны 184 килограммга арттыра алды.