Комбайнчылар бүләкләнде

Инде хәбәр иткәнебезчә, агымдагы елның урып-җыю барышында районда ярыш шартлары, матди һәм әхлакый кызыксындыру чаралары гамәлдә.
Кичә муниципаль район башлыгы урныбасары рөстәм гыйлметдинов узган өч көндә ашлык суктыру буенча югары күрсәткечләргә ирешкән «Кама Тамагы» АХПның барыш бүлекчәсеннән 160 тонна ашлык суктырып, беренче урынны яулаган Фаяз Бакировка район флагы һәм МР башлыгы рәхмәт хатын, сөйкидән Виталий Григорьевка (135), Балтачтан Илдус Нотфуллинга (132), Бортастан Рафаэль Җиһаншинга (132) бүләкләр тапшырды.