Көзге ярминкәләр башланды

Республикада 5 сентябрьдән традицион көзге ярминкәләр башланды. Кышкы салкыннар башланганчы һәр шимбәдә Татарстанның зур шәһәрләрендә һәм район үзәкләрендә арзан бәядән үзебездә җитештерелгән туклану продуктлары белән сәүдә итәчәкләр.

12 сентябрьдә дә безнең район туклану продуктлары белән Казанда яшәүчеләрне шатландырачак. Шимбә көнне авыл хуҗалыгы предприятиеләре, райпо вәкилләре, шәхси эшмәкәрләр калага киң ассортиментта туклану продуктлары белән юл алачак.Сатып алучылар да, сәүдә итүчеләр дә канәгать калыр дигән өмет бар. Кышка кирәкле яшелчәләрне вакытында әзерләү бик мөһим.