Эш һәркемгә җитәрлек

Урак барышында "Кама Тамагы" АХПда урып-җыю звенолары даими маневрлаша, чөнки игеннәр культурасына карап, үз вакытында өлгерә.

Ә инде басулардан кергән ашлыкны исәпкә алучылар үз бүлекчәләрендә генә эшли. Галина Шаманина урып-җыю вакытында Тәмтедә берничә ел исәпкә алучы булып хезмәт итә. Аны вазыйфасы игенне ындыр табагына һәм ашлык кабул итү пунктына озату өчен накладной язу, тәмамланган басуларга реестр тутыру, контроль суктыру актлар төзү һәм башкалардан гыйбарәт.