Эш визиты

Татарстан Республикасы Премьер-министры урынбасары - авыл хуҗалыгы һәм азык-төлек министры Марат Әхмәтов кыр эшләре барышы белән танышу максатыннан районыбызда булып китте.

Муниципаль район башлыгы Зөфәр Гарәфиев һәм "Ак Барс Холдинг" директоры Владимир Титов белән берлектә алар район авыл хуҗалыгы предприятиеләре басуларын карады, урыннардагы хәл белән визуаль танышты.

Аннары Марат Әхмәтов авыл хуҗалыгы бүлекчәләре җитәкчеләре белән сөйләште, эшнең яхшы оештырылуын билгеләп үтте, катнашучылар биргән сорауларга җавап бирде, республикада эшләр торышы турында сөйләде.