Равил Гадел улы Миңнегалиев тумышы белән Чаллы авылыннан.
Ул чирек гасырдан артык төрле юл-төзелеш оешмаларында эшләгән.
- Армиядән соң Түбән Камага киттем, анда юл эшчесе булып эшкә урнаштым. Анда мин 19 ел эшләдем. 1992 елда өйләндем, хатыным авыл хуҗалыгында эшләде, шәһәрдә мин торак булдырмадым, шуңа күрә гаиләмне алып килер урын юк иде. Соңрак өйгә кайту җиңелрәк булсын өчен, Казандагы юл оешмасына урнаштым, аннары районга күчеп килдем һәм менә биш ел инде Кама Тамагы ДРСУда эшлим.
- Равил Гадел улы тәҗрибәле һәм тырыш эшче, - диде Илнар Дәүләтшин. - Безнең эштә кул хезмәте бик күп, бигрәк тә чокырларны ремонтлау, барьер киртәләрен чистартканда. Эшне ул тиз һәм сыйфатлы башкара. Хезмәте өчен ул муниципаль район башлыгының Рәхмәт хаты белән бүләкләнде.
Нет комментариев