Красновидово: җырлыйлар да, бииләр дә

Тамашачылар һәм жюри әгъзалары өчен җирле театр коллективы матур һәм күңелле спектакль күрсәтте, пьеса авторы илебез халкының берничә буыны өчен яраткан һәм популяр булган «Иван Васильевич һөнәрен үзгәртә» фильмы белән параллель үткәрде.

Матур һәм ялгыз буфетчы кыз Нюра патшабикә Анна Иоанновна идарә иткән чорга килеп эләгә, төп героиняга аны тәхеттә дә алыштырырга туры килә. Ольга Оленина гадәти тормышта Красновидово авыл китапханәсе методисты буфетчы ролендә дә, патшабикә ролендә дә бик табигый күренде. Пенсионер Вера Петрухина "иң яхшы ният белән ярдәм дә итә, шул ук вакытта алдап та куя ала" торган фрейлина Евдокия ролендә «патшабикә»гә искиткеч партия булдырды, шулай ук хәзерге тормышта ягулык станциясендә эшләүче Дуся да шундыйлардан иде.

Гаилә җанлылык үрнәге - Ольга һәм Мария Артамоновалар. Ольга - Максим Горький музее мөдире, Мария - җирле клуб хезмәткәре. Үзешчән актрисалар сәхнәдә җанлы итеп уйныйлар, ә залда аларның уйнавын кайнаналары Людмила Артамонова карады.

- Аларның сәхнәдә уйнаулары һәм җырлаулары бик ошый, - дип уртаклашты безнең газета белән Людмила Хәкимовна. - Һәм моны безнең өчен спектакльләр, концертлар әзерләүче һәркем турында да әйтеп була - алар барысы да булдыра. Миңа хәзер йөрү авырлашты, әмма барыбер клубка килдем һәм киләсе тапкырында да киләчәкмен…

Сүз уңаеннан, театр коллективының барлык әгъзалары спектакльдә дә, тормышта да матур җырлыйлар, чөнки алар барысы да районда популяр булган «Оберег» вокаль ансамбленә йөриләр. Бу шулай ук чегән хатыны ролен башкарган, мәктәп директоры булса да, репетицияләргә вакыт тапкан Роза Сайкина. Шулай ук балалар бакчасы тәрбиячесе Нина Власичева, пенсионерлар Татьяна Горохова һәм Валентина Левина – барысы да тамашачыларның ихлас алкышларына ирешү өчен репетицияләргә бер генә көн багышламаганнар. 

Хакимлек итәргә яратучы Анфиса Захаровна роле истә кала торган, аны Красновидово авыл мәдәният йорты мөдире Любовь Кутянина башкарды.  Ул театр коллективын оештырып кына калмаган, репетицияләрне дә үткәргән һәм үзе дә кызыклы итеп уйнады.

Ә Светлана Никаншина компьютер артында спектакльнең тавыш һәм музыкаль бизәлеше белән идарә итте, аның барышын контрольдә тотты. Безнең газета бу искиткеч хатын-кыз турында күп тапкырлар язды, ул чиксез ихтыяр көченә ия. Ул район инвалидлар җәмгыяте рәисе дә, спорт ярышларында җиңүче һәм призер да, «Оберег» вокаль ансамблендә дә җырлый һәм бу аның һөнәрләренең тулы исемлеге түгел.

Музыкаль бизәлеш спектакльдә бик әһәмиятле роль уйнады, декорацияләр алышынганда, пәрдә ябылды һәм артистлар бу вакытта залда җырладылар, биеделәр, ә тамашачылар да, жюри әгъзалары да бу тамашада катнашты. Ябык пәрдә алдындагы күренеш бик көлкеле килеп чыкты -  героинялар Ольга һәм Мария Артамоновалар бер-берсе белән ярыша-ярыша бизәнде. Буфетчы кыз Нюраның күршесе (Ольга Артамонова) заманча косметикадан файдаланды, ә Мария Артамонова башкаруындагы Марфа-приказчица элеккеге гасырлардагыча табигый әйберләрне кулланды…

Бу пьесаның авторы-Коми Республикасында яшәүче Эвелина Пиженко. Ул бөтен Россия буенча күп кенә клублар һәм мәдәният йортлары белән хезмәттәшлек итә. "Халык сценаристы" буларак аны Камчаткадан Калининградка кадәр күп кенә мәдәният хезмәткәрләре белә, безнең районның театр коллективлары да алар рәтендә, чөнки әсәрләре тамашачы тарафыннан җиңел кабул ителә. Үзешчән артистларыбыз кебек үк, ул да иҗатында профессиональ түгел. Сайлаган эше әдәбияттан ерак булган: Сыктывкар Совет сәүдәсе техникумын тәмамлаганнан соң, азык-төлек товарлары белгече булып эшләгән. Ләкин вакыт җиткәч, ул тормышын үзгәртергә була, авыл кешеләре өчен кызыклы булган пьесалар яза башлый. Красновидоволылар да, пьесаларның берсен сайлап алып, шундый итеп уйнадылар ки, актерлага һәм җырчыларга хәзер гастрольләр белән район үзәгенә барсалар да була…