Кама Тамагы Атабай авылында “Әниләр көне” нә багышланган бәйрәм концерты оештырылды

27 ноябрьдә Атабай авылында "Әниләр көне" нә багышланган бәйрәм концерты оештырылды.

Атабай авылы әниләре буран диеп тә тормады, яратып тыңлый торган Иске Казиле җирле үзидәрә үзешчән сәнгать коллективы чыгышын бик яхшы каршы алды. Т. Әскәрова ,үзәккә утәрлек итеп, матур шигырьлэр укыды. Т. Яруллина, А.Валиева, А.Һадиева, Ф.Шәйхетдинова, Р. Зиннатуллин, Г. Галиуллина, З. Байтимеров үзләренең җырлары белән күңелләрне тетерәндерделәр. З. Байтимеров җырлаганда залда куз яшләре таммаган кеше калмагандыр, мөгәен. Җырчылырыбызга Г. Мифтахов баянда уйнап торды. Соңыннан кечкенә генә чәй табыны әзерләнде.