Сабан туе хатирәләрне яңартты

Алар анда кунаклар игътибарына татар рухы һәм көнкүреше хөкем сөргән авыл өен тәкъдим итте. Матур итеп бизәлгән ишегалды территориясендә төрле мастер-класслар оештырылды, камыр ризыклары һәм үлән чәе белән сыйладылар. Җирле җитештерүчеләрнең продукцияләреннән күргәзмә һәм хәтта контактлы зоопарк оештырылды. Ишегалдында зур бассейн урнаштырылды, анда кунакларга балык тотарга мөмкин булды, ә теләүчеләр шактый иде, шулай ук милли уеннарда да катнашучылар күп булды.

Һәр халыкның үз милли ризыгы бар, татарларның шундый ризыкларының берсе – юка. Ринат Гарифуллин мастер-класс үткәрде, анда ул әлеге ризыкны әзерләү серләре белән уртаклашты.

Район мәдәният бүлеге җитәкчесе Ирина Кузиева сүзләренчә, Татарстан Дәүләт Советы Рәисе Фәрит Мөхәммәтшин Кама Тамагы районы халкына рәхмәт белдергән һәм нәкъ менә безнең мәйданчыкта үзенең хатирәләрен яңарткан. Элеккеге татар авылының көнкүреше шулкадәр төгәл итеп сурәтләнгән ки, бу күренешләр Фәрит Хәйрулла улына нык тәэсир иткән.

Бәйрәм кичкә кадәр дәвам итте. Мәдәният хезмәткәрләре тамашачыларга районның күп санлы аудитория җыйган үзешчән артистлары һәм «Тау ягы» фольклор клубы башкаруында күп милләтле җырлар белән тулы концерт программасын тәкъдим иттеләр.

Бәйрәм кунаклары безнең районга битараф калмады һәм безгә кунакка килергә теләк белдерделәр.