Мордва Каратае: тормышта да, сәхнәдә дә теләсә нинди рольне булдыралар

Пьеса яңача яңгыраш алды

- Нина Семенова пьесасы буенча куелган спектакльнең сюжеты сугыштан соңгы чорда гади рус авылында бара, - диде иҗат коллективы җитәкчесе һәм авыл клубы мөдире Ирина Окунева. - Үзешчән хорда катнашучылар клубта җырларга җыела, аларның сугышта иң якын кешеләре: уллары, ирләре, абыйлары һәлак булган. Сугыш һәр гаиләгә һәм кайгы китерде, әмма, бернигә дә карамастан, тормыш дәвам итә: героинялар бер-берсенә сүз белән дә, эш белән дә, җыр белән дә ярдәм итәләр.…

Моннан берничә ел элек моркаратайлылар бу пьесаны сәхнәдә куйганнар иде инде, өстәвенә, үз клубларында гына түгел, район мәдәният йортына да килеп, уңышка ирештеләр. Бу юлы «Семь мисок, семь кашык» спектаклендә башкаручылар составы үзгәргән, һәм пьеса яңача яңгыраш алды…

Үз авылының чын патриоты

Клуб мөдире Ирина Окунева, үзешчән театрның алыштыргысыз җитәкчесе буларак, репетицияләр оештырып кына калмаган, авыл хатын-кызларын җырларга җыючы Ася ролен дә бик җиңел башкарды. Ирина Федоровна тормышында да авылда мәдәниятне үстерү белән шөгыльләнә: кайчандыр аңа авыл клубы мөдирлеген тәкъдим иткәннәр, һәм ул җирлектә театр коллективы оештырган. Ә бит ул башта авиация техникумын тәмамлаган, аннары Казан самолетлар төзү заводында икътисадчы булып эшләгән. Туган авылына кайтып, авыл хуҗалыгында эшләп,  авыл халкы – мордва-каратайларның мәдәниятен үстерү белән шөгыльләнә башлый, хәзер район күләмендә генә түгел, республика һәм Бөтенроссия күләмендәге чараларда еш катнашалар, шулай ук алар – уникаль халык турында фильм һәм китап геройлары да. Һәм бу, һичшиксез, үзенең кечкенә генә, ләкин күңеленә якын туган авылының чын патриоты булган Ирина Федоровнаның зур казанышы.