Күләгәдә «Син, мин, без» пьесасы буенча спектакль бирделәр

«Яңа образ» хаклы рәвештә халык театры исемен йөртә, бу юлы да тамашачыларның бердәм алкышлары астында моны исбатлады. Сәнгать җитәкчесе Татьяна Шәрипова инде күп еллар дәвамында талантлы иҗат коллективына җитәкчелек итә, һәр спектакльгә бар көчен һәм күңелен сала, шуның өстенә ул бу премьераның режиссер-куючысы да.

- Интернетта Коми Республикасының Милли музыкаль-драма театры спектаклен карадым, вакыйгалар нибары 4 кеше яши торган кечкенә генә бер авылда бара, ләкин алар күңелсезләнми, бер-берсенә ярдәм итәләр, кызыклы мизгелләр дә була – чөнки бөтен авылга нибары бер ир-ат – сугыш ветераны Афанасий, - ди Татьяна Шәрипова. - Бу 70 нче еллар уртасы, Бөек Җиңүдән соң 30 ел узган чор, бу зур илебезнең һәр гаиләсе язмышында чагылыш тапкан.…

Татьяна Александровна әлеге кызыклы спектакльне куярга рөхсәт сорап Сыктывкар театрына мөрәҗәгать иткән. Нәтиҗәдә автор – Россиянең атказанган мәдәният хезмәткәре, Коми Республикасының халык артисткасы Лидия Логинова белән элемтәгә чыккан, ул үз пьесасын алырга рөхсәт биргән. Сүз уңаеннан, пьеса коми телендә язылган, әмма русчага тәрҗемәсе дә бар.

Активлар һәм иҗатка сәләтлеләр

Шул ук вакытта режиссер пьесаны табып кына калмый, үзе дә Настяны – Афанасийның хатыны ролен уйный. Татьяна Александровна чын күңелдән һәм бик ышандырырлык итеп сәхнәдә төпле һәм хуҗалыкчыл хатынны күрсәтте – ул кәгеп куярга яратучы ирен контрольдә тота.

Сергей Семин, һәрвакыттагыча, үзенең герое Афанасий – Опоняны (авылда аны шулай атыйлар) җиңел һәм җанлы итеп уйнады, шулай итеп сәхнәдәге пар чынбарлыктагыча һәм бик табигый күренде. Сергей Павлович – зур стажлы артист, һәм һәрвакыт үз уенына юмористик, тормышчан ноталар кертә, залда елмаю һәм көлү уята.  Заманында, педагогик белем алгач, ул авылга кайта һәм 30 елдан артык Тәмте мәктәбендә математика укытучысы булып эшли. Инде күп еллар Сергей Семин Тәмте мәдәният йорты куйган спектакльләрдә актив катнашып кына калмый, ул районда популяр булган «Калейдоскоп» ВИАның башында тора, әле дә аның составында чыгыш ясый.…

Тулырак газетада