Кама Тамагы Келәнче авылы мәдәният йортында “Күңелле ял итегез!” дип исемләнгән концертта

Сәхнә ветераны Фәрит Садыйков, Суфия Гобәйдуллина, "Алтын тавышка - алтын Акчарлак" кастингының 3 сайлап алу турында катнашып, "Габделфәт" иҗат берләшмәсенең рәхмәт хаты белән бүләкләнгән Гөлнур Садыйкова, искиткеч матур, моңлы тавышка ия Нурфия Мәһдиева һәм Талия Яруллина чыгышлары тамашачыларны әсир итте.

Җырлар "Рафаэлло" бию коллективының дәртле биюләре белән үрелеп барды.

Өметле яшь үзешчәннәр Гүзәл Нургалиева һәм Марсель Нигъмәтуллин һәм концерт группасы җитәкчесе Гөлназ Ибраһимова башкарган җырлар да халык тарафыннан җылы кабул ителде. Җырчыларга йөгерек бармаклары белән баянда уйнаучы Әнәс Мәһдиев булды. Концерт программасын исә матур шигырьләр белән Казан шәһәренең мәдәният һәм сәнгать академиясе талибәсе, авылдашыбыз Фәйрүзә Мөхәммәтвәлиева алып барды. Нинди концерт аппаратурасыз булырга мөмкин - үз эшләренең остасы Елена Егорова һәм Света Курчаева бу мөмкинлекне бернинди кимчелексез башкарып чыктылар. Авыл халкы кышның матур кичендә күңелле ял бүләк иткән үзешчәннәргә рәхмәт әйтеп, киләсе очрашуларга кадәр дип саубуллашты.