Август шул инде менә...

Җәйнең соңгы ае булган
Августка да сабыйлар
Җәй башындагы шикелле
Якты көтеп карыйлар.
...Кулларына гөлләр җыйган
Гөлдәй гүзәл сылулар,
Ромашкалар таҗын санап,
Мәхәббәткә юрыйлар.
Яратамы?
Яратмыймы?
Ил-җир сөйгән халыклар
Августта да, тормышта да
Яратуга лаеклар.
Әле кояш төрә көнне,
Әле сүрән күренә.
Август килде,
Август инде,
Август шул инде менә.
Клара Булатова