Кама Тамагында юлларда төзелеш сезоны 25 майда башлана

Май аенда "Татавтодор" ААҖ Апас филиалының Кама Тамагы юл-ремонт идарәсе эшчеләре Апас районы чигеннән Иске Барыш авылына таба 1 километр озынлыктагы юл участогын ремонтладылар.

- Без ике кат асфальт җәйдек, хәзер юл кырыйларын өя башлыйбыз, - дип хәбәр итте газетага юл-ремонт идарәсе җитәкчесе Рамил Ганьятуллин. - Әлегә сатулашуларның тәмамлануын көтәбез, аннары быел программага кертелгән юл участокларын төзүгә керешәчәкбез.

Аерым алганда, күчеш участокларының берсе – Красновидово авылыннан Тәмтегә таба юл салу. Былтыр биредә ике катлам асфальт җәелгән. Бу елга зур булмаган участок калды, анда салмак борылыш өчен радиус арттырылачак. 19 майда биредә җир өслеген тигезләү буенча эш башланган иде инде.

Шулай ук Антоновка авылы янында әйләнмә юлның урынын билгеләүче вешкалар барлыкка килде. Ул трассаның әлеге участогын ремонтлаганда кирәк булачак.