«Президент белән бергә» республика хәрәкәте район Сабан туенда “Спортлы Татарстан” мәйданчыгы оештыра

"Президент белән бергә" республика хәрәкәте активистлары Сабан туенда очрашуга әзерләнә. Республиканың барлык районнарында бәйрәм вакытында хәрәкәтнең җирле бүлекчәсе үз мәйданчыгын - "Спортлы Татарстан" мәйдланчыгын оештыра.

Әлеге мәйданчыкларда республика халкы ГТО нормаларын тапшыруда үз көчен сыный ала. Иң активлар призлар һәм грамоталар алачак. "Президент белән бергә" хәрәкәте активистлары сәламәт яшәү рәвеше һәм халык арасында спорт белән шөгыльләнүне пропагандалауга зур игътибар бирә. Бүген Татарстан Россиянең спорт башкаласы, биредә спорт белән шөгыльләнү өчен иң яхшы инфраструктура бар. Республикага Россиядә генә түгел, дөньякүләм масштабындагы спорт чараларын уздыруны даышаналар. Быелгы җәйдә спортның су төрләре буенча зур халыкара чемпионат уздырылса, 2018 елда Татарстан футбол буенча дөнья чемпионатын кабул итәчәк.