Бөтендөнья вакыйгасын күр

Бүген районда яшәүче 30 кеше Казан Универсиадасы финалы- ябылу тантанасы шаһитләре булачак.
Әгәр Бөтендөнья студентлар уеннары ачылышына районнан җирлек башлыклары һәм туган якны өйрәнү музее директоры барган булса, ябылу тантанасына Универсиада объектларын ярышларга әзерләүчеләргә бару хокукы бирелде.
Моннан тыш, 100дән артык бала- балалар-яшьләр спорт мәктәбендә шөгыльләнүчеләр төрле ярышларны барып карады. Алар: волейбол, футбол, самбо, гимнастика, өстәл теннисы, көрәш. Универсиада барган 10 көндә ДЮСШ спорт секциясендә һәм "Акчарлак" ССК шөгыльләнүче балалар һәм аларның тренерлары җиде тапкыр ярышларда булган.