Кама Тамагы районы Рудник гомуми урта белем бирү мәктәбендә татар теле һәм әдәбияты укытучылары өчен район семинары узды

Семинар "Укучыларны татар теле һәм әдәбияты фәненнән республика олимпидаларының мәктәп, муниципаль һәм республика этапларына әзерләү үзенчәлекләре" темасына багышланган иде. Семинарда Казан Федераль университетының профессоры Сәйфуллина Флера Сәгыйт кызы, доцент Сәгьдиева Рамилә Камил кызы һәм Республика олимпиада үзәгенең республика олимпиадарын үткәрү буенча куратор Мәхмүтова Чулпан Наил кызы катнаштылар. Галимнәр татар теле һәм татар әдәбияты фәненнән республика олимпиадаларының мәктәп, муниципаль һәм республика этапларын оештыру үзенчәлекләре турында сөйләделәр. 2016-2017 уку елында булган үзгәрешләр белән таныштырып киттеләр.