Безнең укытучылар – «Россия ел укытучысы» Бөтенроссия конкурсының зона этабында

Безнең районнан анда Затон урта мәктәбенең сынлы сәнгать  укытучысы Светлана Әхмәдиева, башлангыч сыйныфлар укытучысы  Ирина Илюшина һәм Рудник мәктәбенең башлангыч сыйныфлар укытучысы Галина Чекутова катнашты.  Бәйге конкурсантлары үз тәҗрибәләрен «Ел укытучысы» һәм «Педагогик дебют» номинацияләрендә тәкъдим итте. Ачык дәресләрдә һәм мастер-классларда педагоглар үзләренең югары һөнәрилекләрен күрсәттеләр. Жюри әгъзалары һәр катнашучының да үзенчәлекле, методик яктан тәҗрибәле һәм талантлы булуын билгеләп үтте.

Конкурс ахырында педагогларга сертификатлар бүләк ителде. 

Зона этабына нәтиҗә ясаганнан соң, төбәк этабында катнашу өчен «Ел укытучысы» номинациясендә 40 педагог, «Педагогик дебют» номинациясендә 25 педагог  ачыкланачак.