Әгәр беркайчан да музыкант булмаячак икән, балага музыка нигә кирәк?

Шулай да, тәрбия процессында ата-аналар беренче чиратта интеллектуаль сыйфатларны үстерүгә омтыла, белем алу өчен алар балаларына иң яхшы мәктәпне сайларга тырыша. Моңа өстәмә белем алуга юнәлдерелгән сыйныфтан тыш дәресләр дә керә. Ләкин ата-аналар эмоциональ үсешнең мөһимлеген оныта. Нәтиҗәдә акыллы балалар үсә, ләкин алар яхшылык белән яманлык арасындагы аерманы күрми, кызгана белми.

Музыкаль тәрбия кешене сәнгать белән таныштыра һәм музыкага мәхәббәт тәрбияләп кенә калмый, төрле яклап үстерә дә. Өстәвенә, ул табигый сизгерлекне саклау мөмкинлеге бирә.

Музыка тәэсирендә әхлакый сыйфатлар формалаша дип Пифагор да раслаган. Аның тарафдарлары музыканы кеше җанын хушландыра торган Аллаһ бүләге дип санаганнар. Уен коралында уйнарга өйрәнү өчен күп көч куярга кирәк, ләкин тырышып эшләүдән тыш, игътибарны да тупларга кирәк. Музыка мәктәбен тәмамлаган кеше алга таба профессиональ дәрәҗәгә җитмәсә дә, үсеш алган концентрациясе һәм тырышлыгы аңа тормышта кирәк булачак.

Ул музыка коралы белән эш итәргә генә өйрәнеп калмый, кешеләр өчен уйнарга, башкалар тыңларга теләгән көйне уйнарга өйрәнә.

Баланы, үз халкының мәдәниятен аңласын өчен, халык музыкасы белән таныштырырга кирәк. Өстәвенә, халык җырлары – тарихи белем һәм зирәклек чыганагы.

Шулай ук классик музыканың йогынтысы да зур, чөнки бу үлемсез әсәрләр музыкаль зәвык эталоны булып тора. Хисләр шулай тәрбияләнә!

Музыка балаларга гына түгел, өлкәннәргә дә файдалы. Паркинсон яки Альцгеймер белән авыручы өлкән яшьтәге музыкантны очрату мөмкин түгел диярлек.

Балаларны музыкага әдәп йөзеннән түгел, гомуми үсеш өчен өйрәтергә кирәк. Өстәвенә, музыка белән шөгыльләнү баш миенең тел өчен җаваплы зоналарын үстерә», - дип билгеләп үтә нейролингвист Татьяна Черниговская.

Ольга Закирова, балалар музыка мәктәбе педагогы