Кама Тамагында каты көнкүреш калдыклары полигоны 2002 елда ачылган

Әмма республикада завод өчен әлегә урын табылмады, шуңа күрә муниципалитетларда, шул исәптән безнең районда да, элеккечә чүпне каты көнкүреш калдыклары полигоннарында саклыйлар.
Кама Тамагы каты көнкүреш калдыклары полигоны 40 гектарга якын мәйданны били.
Машиналардан бушатылган чүп-чар мәйданчыкка туплана. Бульдозер калдыкларны эш картасына күчерә, биеклеге ярты метрга кадәр булган катламнар барлыкка килә. Бу ысул белән калдыкларны астан өскә салалар.

- Башта без бирелгән территориядән җирнең бер өлешен алып карта әзерлибез, - диде полигон җитәкчесе Рөстәм Хәлилов. - Аннары монда чүп-чарны катламлап урнаштырабыз, катламнарны туфрак белән күмәбез. Шул рәвешле без бер үк вакытта чүпне урнаштырабыз һәм полигонны рекультивациялибез.

Көн саен полигонга бөтен районнан 20 тонна чүп китерелә.

- Җәй көне бу күләм икеләтә арта, - ди Рөстәм Хәлилов. - Бу халык санының  артуы белән бәйле. Бакчачылар, ялга кайтучылар, каникулларга кайткан оныклар бу санны арттыра, өстәвенә, кышын чүп-чарның күп өлеше кар астында кала, ә язын тулып ташыган контейнерларны бушатабыз.

Язганыбызча, чүп ташу белән хәзер ПЖКХ ИК операторы шөгыльләнә. Шул уңайдан торак пункт урамнарында бөтен районга хезмәт күрсәтүче башка чүп ташу машиналары барлыкка килде.

-Машиналар икәү, моңа кадәр дә шулай иде. Алар график буенча барлык торак пунктларга чыгалар, контейнер мәйданчыкларыннан чүп-чарны алып, полигонга илтәләр. Менә бу зур тау бүген ярты көн эчендә барлыкка килде.
Икеайлык - ул һәрвакыт бик җаваплы чор, полигонга чүп-чар көн саен күпләп китерелә. Апрельдән башлап без көн саен 40 тоннага кадәр көнкүреш калдыклары кабул итәчәкбез.