Кама Тамагы татар урта мәктәбендә хәйрия ярминкәсе үткәрелде + фото

Мәктәп, укытучылар эшчәнлегендә үсеп килүче буында - игелек, шәфкатьлелек кебек сыйфатлар тәрбияләү әһәмиятле юнәлешләрнең берсе булып тора. Хәйрия ярминкәләре нәкъ менә шушы максатлардан чыгып үткәрелә.

4 декабрьдә Кама Тамагы татар урта мәктәбендә хәйрия ярминкәсе үткәрелде.

-Без мондый ярминкәләрне ел саен үткәрәбез, -ди тәрбия эшләре буенча директор урынбасары Гөлгенә Вәлиева. - Шунысы шатлыклы, укучылар да, аларның ата-аналары да безнең тәкъдимне хуплый. Аларга бик зур рәхмәт.

Мондый ярминкәләр бәйрәм кәефе тудыра. Бу юлы укучылар өйдә пешкән ризыкларның, эчемлекләрнең, консервланган яшелчә һәм җиләк-җимеш, кулдан бәйләнгән әйберләрнең бай ассортиментын тәкъдим итте. Җыелган акча шушы мәктәптә укучы сәламәтлеге белән проблемалары булган шушы мәктәп укучыларына яңа ел бүләкләре алу өчен тотылачак.