АТПга тагын бер яңа автобус кайтартылды

Ике ел элек парк яңа автобуслар белән тулысынча тәэмин ителде.

- Кама Тамагы буенча гына 13 еллык автобус йөри иде, - ди АТП директоры Радик Хәмидуллин. - Яңа ел алдыннан поселокның мәктәп маршрутына чыгачак тагын бер яңа автобус кайтартылды.

АТП барлыгы 15 мәктәп маршрутына хезмәт күрсәтә. Барысында да тәҗрибәле машина йөртүчеләр эшли. Машина йөртүчеләр барысы да көн саен иртәнге алтынчы яртыда эшкә җыела. Автобусларны әзерлиләр, техник һәм медицина тикшерүе узалар һәм юлга чыгалар. Кама Тамагы мәктәп автобусында җаваплы машина йөртүче Рәис Гыйләҗев эшли.

- Рәис предприятие төзелгәннән бирле АТПда эшли, соңгы 13 елда Кама Тамагы укучыларын йөртә һәм кадет мәктәбендә тәрбияләнүчеләрне район үзәгеннән Куйбышев Затонына алып бара, - ди Радик Рафаэль улы.

Рәис Гыйләҗевка автобусның хезмәт күрсәтү документын мәгариф идарәсе җитәкчесе Елена Гыймадиева тапшырды.

- Без Радик Рафаэль улы белән элемтәдә торабыз, - ди Елена Александровна. - Бигрәк тә һава шартлары начар булганда. Бозлы яңгырлар, салкыннар – болар барысы да безнең таулы җирлектә балаларны автобуста йөртү өчен куркыныч аспектлар. Әмма биредә коллектив ышанычлы, автобус йөртүчеләр җаваплы, шуңа күрә балалар ышанычлы кулларда, бу сөендерә һәм ышаныч уята.