Яшәү белән үлем арасында

Балтач печән басуында вертолет 1 төн чыкты

Кичә авыр хәлдәге кыйналган ханымга операция ясарга вертолетта килүче табибныӊ үзенеӊ тормышы куркыныч астында калганлыгы турында хәбәр иткән идек. Ул очып килгән вертолет койрыгы өзелгән килеш Ялтра урманына менә торган печән басуында шәхси сакчыллык оешмасы егетләре сагында бер төн «йоклады».

Балтач район хастаханәсе баш табибы Газинур Давлиев әйтүенчә, бүген, 8 август иртәнге сәгать 7гә кыйналган авыруныӊ торышы «стабиль авыр хәлдә», аныӊ тормышын саклап калу өчен үзәк хастаханә табиблары үз кулларыннан килгәнен һәм хәзерге медицинаныӊ барлык мөмкинлекләрен дә файдаланалар.