Кагыйдәләрне җирдә дә, елгада да сакларга кирәк

Чираттагы киңәшмәдә Кама Тамагы инспекторлык участогы җитәкчесе Нияз Нуриев кечкенә судно хуҗаларының еш кына кагыйдәләр бозуына игътибарны юнәлтте, алар суднолар йөрү юлында балык тота. Җәй айларында шундый хокук бозучыларга җиде беркетмә төзелде. Әмма ул гына балыкчыларны туктатмый. Көндез суднолар закон бозучыларны күрсәләр, төнлә радар сигналына гына ориентлаша ала. Әмма мондый кечкенә объектларны, аеруча яңгыр яуганда, радар тотмый. 1 сентябрь көне дә нәкъ менә шундый очрак теркәлде. Төнлә баржа балыкчылар лодкасын бәрдерә, бу хакта без газетада яздык инде.