Җыентыкка кертелгәннәр

Казанның 20 нче гимназиясендә бөек шагыйребез Г. Тукайның тууына 127 ел тулуга багышланган укучы һәм укытучыларның "Илһам чишмәсе" исемле III республика әдәби иҗат бәйгесенең йомгаклау кичәсе булды.

Анда безнең районнан ике укучы: Иске Казиле мәктәбеннән Алинә Яруллина (7 кл.), Олы Салтык мәктәбеннән Гөлгенә Гомәрова (11 кл), Кама Тамагы татар урта мәктәбе укытучысы Роза Мифтахова һәм Олы Кариле балалар бакчасы тәрбиячесе Гөлсем Димиева катнашты. Аларның язмалары "Илһам чишмәсе" исемле җыентыкка кертелгән. Ә Гөлсем Димиева II дәрәҗә дипломга лаек булды.