Демография саннарда

Райондагы демографик хәл туучылар һәм үлүчеләр саныннан чыгып билгеләнә. Муниципаль район башкарма комитетының ЗАГС бүлеге 2012 елда 134 бала тууны теркәгән. Шуның 77се- малай, 57се- кыз. 271 кеше үлгән.
Узган ел 95 пар ЗАГС бүлегендә үз никахларын теркәгән. Иң өлкән кияү 62 яшьтә, иң өлкән кәләш 63 яшьтә. 2012 елда иң тәҗрибәле әтигә - 51 яшь, әнигә - 41 яшь, ә иң яшь әнигә - 18 яшь, әтигә -19 яшь булган.
Шунысы кызыклы, 1961 елда туучылар саны үлүчеләргә караганда ике тапкырга артып киткән һәм 795 кеше тәшкил иткән, никахларын 333 пар теркәсә, 15 гаилә аерылышкан.