Cалым органнары бүген һәм иртәгә «Ачык ишекләр көне» үткәрү турында хәбәр итә

Татарстан Республикасы буенча Россия Федераль салым хезмәте идарәсе хәбәр итә: 2016 елның 18 һәм 19 ноябрендә физик затларның милек салымы (җир, транспорт һәм милек салымы), билгеләнгән ставка һәм ташламалар, милек салымын түләү вакыты һәм тәртибе, салым түләүчеләр хокуклары һәм бурычлары турында халыкка мәгълүмат бирү максатларында Татарстан Республикасы салым органнары «Ачык ишекләр көне» үткәрә. Бу көнне Республикадагы барлык инспекцияләр озайтылган режимда эшли: 18 ноябрьдә - сәгать 8.00-20.00 кадәр һәм 19 ноябрь - сәгать 10.00 - 15.00 кадәр. Салым хезмәте белгечләре муниципаль берәмлектә нинди ставка һәм ташламалар бирелүен, кемнәр һәм кайсы вакытта милек салымы түләячәген аңлатачак һәм салым түләүдәге башка сорауларга җавап бирәчәк.