Без ак һәм төсле кәбестә, кольраби, брюссель кәбестәсен беләбезме?

Район үзәгендә яшәүче Татьяна Мозаффарова үзенең учпстогында декоратив кәбестә үстерә.

Әлеге төр яшелчә ландшафт дизайнында, бигрәктә, көзен беренче урынга дәгъва кылырга мөмкин. Ул чәчәк түтәлендә бик матур күренә. Татьяна Валентиновна берничә сорт үстерә, алар төс, формасы һәм күлеме ягыннан бер-берсеннән аерылып тора. Кайберләре розага, кайберләре кикриккә, матур бәйләмгә ошаган. «Декоратив кәбестә дым ярата. Ул салкыннан курыкмый, тагын да матуррак булып ачылып китә»,- ди Татьяна Валентиновна. Әлеге матур формадагы һәм төсле үсемлеккә карап сокланмый мөмкин түгел.