Июль, август, сентябрьдә һава торышының нинди булачагы билгеле
Июль җәйнең кыл уртасы һәм бу ай иң эссесе санала. Әмма быелгы июль, без гадәтләнгәнчә, артык җылы булыр дип өметләнергә кирәкми. Россия Гидрометеорология һәм әйләнә-тирә мохитне күзәтү үзәге мәгълүматларына караганда, июль ае салкынча булачак, дип хәбәр итте КФУның метеорология, климатология һәм атмосфера экологиясе кафедрасы мөдире Юрий Переведенцев журналистларга.
