Олы йөрәклеләр

Безнең районда гаилә кыйммәтләрен алга сөргән, башкалар өчен җаваплылык яшәү рәвешенә әверелгән шәфкатьле кешеләр аз түгел.

6 августта Олы Салтык авылыннан биш баланы тәрбиягә алган күпбалалы Сабирҗановлар гаиләсе Казанның "Туган авылым" күңел ачу комплексында булды. Биредә әлеге тату һәм хезмәт сөючән гаилә турында видео-ролик төшерелде. Резедә һәм Мәннаф Сабирҗановлар 26 августка ТР Президенты вазыйфаларын вакытлыча башкаручы Рөстәм Миңнехановка кабул итүгә дә чакырылган.