Компьютер белән озак яшәргә

30 мартта үткәрелгән компьютер олимпиадасының беренче этабы йомгаклары буенча 2 җиңүче ачыкланды. Анда "Интернет-озак яшәү" программасы нигезендә компьютер грамотасына өйрәнгән 15 пенсионер катнашкан иде.
Җиңүчеләр - Кама Тамагы штпдан Надежда Михайловна Автономова һәм Надежда Александровна Левагина.
Алар Кама Тамагы районында "Россия пенсионерлар союзы" бүлекчәсе рәисе Фәүзия Иванова җитәкчелегендә 16 апрельдә "ливадия" шифаханәсенә бара, ә 17 апрельдә технопаркта олимпиаданың икенче этабында районыбыз данын яклаячак. Аларга уңышлар телибез!