Әкият дөньясында

Олы Салтык авылында яшәүче Сабирҗановлар гаиләсенең өй алды шау чәчәккә күмелгән.

Ишегалдына узсаң, тагын да матурлыкка, пөхтәлеккә таң каласың, бер яктан кояшка үрелүче декоратив көнбагышлар, ә тирә-якта зәвык белән утыртылган төрле чәчәкләр. Бу йортта бар нәрсә дә күңел җылысы салып эшләнгән. Әлбәттә, монда уңган гаилә башлыгы Мәннафның да, ару-талуны белмәс хуҗабикә Резедәнең дә көче кергән. Бу гаилә үз балаларына кечкенә генә бер җирдә әкият дөньясы тудырган.