Кибеткә күзлек алырга

13 декабрьдә район үзәгендә шәхси эшмәкәр Алексей Жидяевский оптика салоны ачты.

«Оптика» район халкына киң ассортиментта күзлек һәм линзалар тәкъдим итә. Салонда белгечләр заманча җиһазларда күзләрне тикшереп, күзлек һәм линзалар сайлау буенча консультация бирә. Салонның беренче сатып алучылары күзлекләр, заманча кысалар, линзалар ассортиментын бәяләп, шактый гына ташлама алды. Заманча таләпләргә туры килүче уңайлы салон яхшы һәм арзан күзлекләр һәм линзалар кирәк булган кешеләр өчен менә дигән яңа ел бүләге ул.